唔知係生活習慣改變左, 定係換毛既影嚮, 定係貓糧既改變, 忌廉d毛色係不段變緊, 初初返黎明明係白白地, 但依家d灰毛越黎越明顯, 換言之即係d毛玟越來越明顯, 但相對灰毛多左, 硬係覺得忌廉塊面越黎越似污糟貓添 >_<, 不過d紋深左, 望落就更加似d英短貓既.....

住係呢度都差唔多三年, 每朝搭lift 都好擔心, 因為成日都出問題既, 唔係飛層唔停, 就係lift到但唔開門, 再唔係落落下會卡住係27樓同28樓之間突然想開門, 總之係老爺lift危危乎, 今日終於出事, 搭到17樓突然停左lift 再向下墮一下, 嘩~~~果刻我真係心都離埋, 對腳唔係几敢郁, 怕一郁會成架lift 直插而下, 咁大個女都係第一次被困lift, 真係覺得呢度唔係長住既地方.

黑豬的命運? 上星期新買既火牛居然用左7日就瓜左, 係未咁邪門? 好好地既一個星期六就係因為電腦瓜老襯而要走來走去, 最終仲要去返深水步換貨, 我几驚係7日包換貨係由買果一日算第一日計, 咁上星期六到今個星期六即係第8日.  好彩都肯比我換, 但又無晒我買既consair 既火牛渦, 最終我決定退返 610 蚊, 而再用 360 蚊轉買 coolermaster 既火牛, 雖然係差d, 但壞起上黎揀靚牌子未又係7日就瓜 !!

今日開左成日電腦, 還算一切正常, 無出現 reboot既情形.

全日係屋企陪忌廉, 佢睇黎好開心, 玩完就訓, 訓醒又玩, 累左又訓.

3日假期好快就過完, 星期五入左南丫島, 想唔到碼頭人頭湧湧, 原來假日係咁多人入去咖 ?

入到去第一時間走去問下心目中果間渡假屋几多錢先, 閑日半日320蚊, 由一點至九點, 果夜就 470蚊, 我自己就覺得唔算平, 搞搞下漏左問埋假期價錢要加多几多錢添.

昨天帶忌廉去九龍城打第二針, 去到診所大廳很小, 但已經坐著站著很多的人, 登記完唯有等......... 差不多等了一個鐘所有的人都差不多離開才到我們呢.

朋友介紹來這家診所, 完全是因為想找到個好vet, 果然Betty 是一個很nice的vet, 對貓貓很有愛心, 她還說她家也養了八隻貓咪, 看來也成了貓癡一族呢, 順利的打了第二針, Betty說眼的問題沒辦法根治, 可憐的忌廉日後都要以淚洗面...

自從忌廉的出現, 改變了我的生活, 每天放工很想早點回家陪陪忌廉, 每天在看有關貓的網頁.

忌廉小冊子

好耐無寫blog喇, 一來係忙, 二來係無mood, 三來係電腦唔聽話, 感覺上係做咩都唔順利, 來來回回拎左兩部電腦去整, 但最終都係治標根不治, 搵返張單發覺有一年保養, 所以今日抬左部電腦去灣仔放低整, 估計係有排都拎唔返部電腦, 而舊果部就成日滋滋聲有隨時宣佈死亡的感覺... 仲可以捱多几多日呢 ?

大執位, 估唔到我既命運比上一次仲慘, 想當年的關係我唔介意一起坐入房, 但老板你認為小卒仔無資格坐房, 只可坐門口位, 但几年後既今日老板你要我坐埋入去用意何在? 我又唔係升左職, 真係覺得佢根本就係逼我自動消失.

本來打算早d去訓, 因為依家每晚都要醒好多次, 到天光感覺係好似無訓過. 忌廉好似好鍾意今日新買既張新床, 上到去用雙手猜丫猜, 碌丫碌~~唔使五分鐘就聽到鼻鼾聲……….點解係訓著左先會扯鼻鼾既呢?

看完條片, 點會唔喜歡上貓貓? 太好笑了~

忌廉又回復返精活潑的樣子了, 希望忌廉唔好再病, 我心血少, 醫生叫我要放鬆, 多d休息, 但最近就是特別多事發生, 返學既事我真係唔想繼續, 感覺係力不從心, level 爭太遠.